الحلقة الثانية/الموسم الثاني

كتبها موفق

***

فترة الظهيرة بدأ الأولاد يعودون من المدرسة

و كانت البداية ب وصول ضياء الصغير يدخل إلى المنزل مسرعا إلى الحمام , يخرج

الأم : غسل ايديك

ضياء: عم بغسلهم

يدخل ضياء المطبخ متحمسا...ماما, المس حطتلي نجمة اليوم عشاني جاوبت بسرعة و اخدت 10/10 بالحاسوب , و فلاح هاد صاحبي يلي المس بتحكي عنو مشاغب ضرب صفاء و بكيت و اخدو على المديرة و اجا ابو على المدرسة

الأم: ياعيني عليك ممتاز خلص بس اتجيب شهادتك الك هدية حلوة

ضياء: بسكليت

الأم : هاد على الصيف ابوك وعدك ازا جبت معدل عالي بجبلك احلى بسكليت

ضياء : جوعان

الأم: روح غير عشان اتجبلي عم غرض من السوبر ماركت يلا بسرعة

***

بعد اقل من ساعة يصل حازم و اخته و يلتقيان على الباب , بتبادل الكلام مع اخته ديمة ,

ديمه : ولا بتدخن ؟

حازم : شو مالك ؟

ديمة:شفتك عن اللفه انته و صاحبك كان بإيدك سيجارة

حازم : هاهاها مش الي هاي لصاحبي عشان مر ابو مسكتلو ياها انا ما بدخن

ديمة بسخرية : ااه لصاحبك

حازم يغير الموضوع : فكرك شو امك طابخة اليوم ؟؟

ديمة (مفكري هبلة ): ما بعرف هلا منشوف .. ويدخلو إلى المنزل يتوجه حازم مباشرة إلى غرفته حتى بدون القاء التحية ,

و تدخل ديمه تسلم بصوت عالي مرحباااااا

الأم: اهلا شو مبكرين اليوم
ديمة : شو بدنا نعمل في عنا مس مريضة و روحونا بكير بتعرفي عز
الأم : بسيطة , يلا غيري و تعالي عنا شغل اكتير اليوم

ديمة : نعم ؟؟؟ ليش شو في , انا علي دراسة

يجتمع الجميع على مائدة الطعام , بعد وصول ابو حازم (والد داليا ) داليا بحكم تأخر دوامها في لم تأتي إلى الغداء يتهي الأفراد من تناول الطعام وكل يتوجه لغرفته

***

ابو حازم توجه إلى غرفة الجلوس و جد زوجته جالسة مبتسمة تنتظره لشرب الشاي بعد الغداء ,

ابو حازم : يسلمو اديكي على الغدا ..

ام حازم : الله يسلمك , تفضل كاسة الشاي

ام حازم : دنيا الله.. يرحم ايام كنا لحالنا في البيت و هي الأولاد كبرو

يجلس بقرب زوجته مبتسما

يتبادلون النظارات , و يقول ابو حازم بصوت هادئ

ابو حازم : اه شو في ؟ بتمك في حكي

ام حازم : بتعرف اليوم جاي ام العريس يلي حكتلنا عنو ام سرور , و مش عارفة سئلتني مبارح انه يجي العريس معها ولا لأ , ف أنا بعرفك مشغول اليوم ف قلتلها لأ , بس نسوان و على العشا قلت نعرف أهلو اول بعدين اذا كانو أوادم منشوف الشب .

ايو حازم : الله يسر , و بنت حكيتي معها

ام حازم :لا , بس بتعرف انه في ضيوف اليوم جايين على العشا انا قلتلها هيك عشان ما تتهرب او تعملي قصة

ابو حازم بنبرة شديدة : ليش ؟؟ انا مش عارف هاي البنت طالعة عنيدة لمين اذا العريس كويس ما رح اسئل فيها من هلا فهميها , بدي استر عليها و اخلص السنة الجاي هاي الفصعونة بدها جامعة كمان شو اعمل بحالي ما انتي شايفة يا دوب مزبطين وضعنا

ام حازم محتارة : مش عارفة

ابو حازم و هو يرجع ظهره للكرسي و يحرك يده : فش مو عارفة شو الجماعة اذا عجبتهم البنت لنسئل عليهم و هاي الصيف قرب نخلص من هالقصة , زيها زي اختها ..

ام حازم تهز رأسها : على خير بشوف شو بصير معنا

يسلم أبو حازم على زوجته و يؤكد عليها بإخباره ماذا سيحصل و يذهب لعمله مره اخرى .

تجلس ام حازم و تفكر في ضيوف اليوم و ماذا سوف تحضر لهم و تفكر في كيفة اقناع ابنتها ان تكون بأفضل صورة , ..

تقوم بإرسال رسالة قصير , لبنتها في السعودية ريما

الرسالة :مرحبا كيفك؟ طمنيني عنك , جاي خطابين لداليا اليوم ادعيلها , يمكن اتصير جارتك ..

و رسالة أخرى لداليا

مرحبا , الساعة 4.00 لا تتأخري عن 5.30 ضروري تجي بكير

**

تتلقى ام داليا اتصال هاتفي من ام سرور

ام سرور: مرحبا

ام داليا : اهلا ام سرور بنت حلال

ام سرور: ههه جايبي سيرتي بس هيك ولا هيك

ام داليا: بالخير بالخير كنت بدي احكي معك وأسئل كم وحدة جاي اليوم

ام سرور : ااه والله يعني هي جاي مع بنتها

ام داليا : طيب منيح على 6 بتكونو عنا

ام سرور: المفروض ابنها بدو ياخدنا على 5.30 اه يعني على 6.00 بنكون عندكم اذا الله راد

ام داليا : حياكم الله ,

ام سرور: شو رأئي البنت , بدي اتكون قمر تاخد عقلهم اليوم

ام داليا بتوتر: ااه ان شاء الله اكيد

ام سرور يلا منشوفك كمان ساعة ونص

ام داليا : بأنتظاركم

***

كل شي جاهز لستقبال الضيوف , تدخل داليا المنزل قبل موعدها و تحس بشي غريب

الأم: منيح يلي اجيتي انا ما التلك عشان ما تعملي قصة , جايكي خطابين هلا على 6.00

داليا : طيب شو يعني انا ايش ؟؟؟؟ ليه ما حكيتي من الصبح انه خطابين

الأم : عشان ما تعلمي قصة وسيرة

داليا : مابدي افوت و قعدي انتي معهم انا ما بدي

الأم : يا ماما قسمة و نصيب و صرتي صبية لمتى بدك تتعززي , عشاني خلص فوتي 10 دقايق واذا ما عجبوكي الجماعة اطلعي بس اضحكي ما تدخل مكشرا الله يرضى عليكي بدي افرح فيكي و اشوف ولادك

داليا بحزن : طيب وافففففف

الأم: البسي الأحمر

داليا: كماااان

تدخل داليا غرفتها و هي تتكلم مع نفسها انها تستطيع قول لا , ان حسام حبها الوحيد , ولكن ارضاء لأهلها سوف تنفذ

تصل سيارة إلى باب المنزل , تقفز ديمة إلى الشباك و تنظر من خلف الستارة محاولة رؤية الضيوف , و تأتي داليا من خلفها , ترى داليا الشاب ,و ديمة تردد

معقول هاد العريس ولا أخو ,

داليا :ما بعرف بس والله طويل

ديمة : شووو لسة ما شفتي عجبك طولو

***
يدق جرس الباب , تتلبك داليا و تدرك انه الموضوع دخل حيز الجدية و تنظر إلى نفسها في المرآ و تعدل من هندمها ..

تدخل امرأة في العقد الخامس من عمرها , مع ابنتها في العقد الثالث على ما يبدو و اخرى ف العقد الرابع من عمرها

ام داليا: اهلا ام سرور تفضلو

ام سرور مبتسمة : من بعدك يا ام علاء

ام علاء (والدة العريس): سلام عليكم كيف الحال

ام داليا : اهلا و سهلا تفضلو من هون

يدخلو إلى غرفة الضيوف , و يجلسون و تبدا احاديث التعرف

ام سرور: وهاي ام حازم يا سيتي , والله يا ام حازم ,ام علاء حابة تتعرف عليكي من فترة

ام حازم : والله شرفتونا

ام علاء بإبتسامه: البركة كم ولد عندك ؟

ام حازم : عندي ريما 26 سنة , داليا 20 , ديمة 17 , حازم 16 , ضياء 7.5

ام علاء :ماشاء الله هي ريما المتزوجة بالرياض متل ما فهمت من ام سرور

ام حازم : اه مزبوط ,

ام علاء : والله هاي بنتي بسمة اكبر بناتي و ام 3

ام حازم : وابنك ماشاء الله عليه كم عمره ؟

ام علاء : ابني عماد عمر 26 سنة بشتغل بالرياض , مهندس كهربا , و شغلو مع شركة دولية هنالك, و وضعو مرتاح , و اله بيت هون بنفس العمارة مع اخوانو

ام حازم: يعني هو بدو يعيش هون ؟

ام علاء بتردد : لا مو من هلا يعني بده يضل بالسعودية ابو سنتين 3 بعدين بستقر هون اكيد ما الو غنى يرجع

ام حازم : اها على خير

ام سرور مقاطعة : شو يا ام حازم وين القهوة ؟

ام حازم : ما تواخزوني , شو تشربو , قهوتكم ؟

ردت ام سرور تنظر لهم و تهز برأسها : بشربوها وسط .

.
تقوم ام حازم للداخل و تترك الضيوف

**

ام سرور: شو رأيك والله ام حازم بتتناسب

ام علاء: طولي بالك يا ام سرور لنشوف العروس اول

بسمة : بس انشوفها منحكي بعدين حاسستها مو عاجبه السفر ..

ام سرور : رح تعجبكم متأكدة , لا مغربة وحدة م عايشة بالرياض يعني قريبة ما تهكلي هم هلا بس اتشوفو الصبية و تعجبكم ما بصير إلا كل خير

في الداخل ام داليا تقول لها , ايوا هيك خلي الضحكة على وجهك , ام العريس جنب ام سرور ضيفيها اول شي , بعدين ام سرور بعدين بنتها و انا اخر شي و بتعدي قبالهم مو على جنب , لا تطلعي على الصينية عشان ما تنكب القهوة , وامشي على مهلك , و خلي كتافك مرفوعة و ابتسمي شوي مو تضحكي , و احكي شوي واسكتي مو تعدي تبرمي ,

داليا صافنة بإمها و تقول : اه و غيرووووو؟ طيب طيب فهمت مش بنت صغيرة فاهمة

ديمة من خلف داليا: ههههه رح توقع القهوة انا عارفة خليهم يضحكو عليكي

داليا بعصبية : ولك روحي من هون ايه نائصتك انا

تدخل ام داليا و تجلس , ثم دخل داليا , ترتدي فستان احمر , مع الشعر الناعم المتناسق (في خصلتين بلاتنين ) و مكياج متواضع تسير بثبات و تحاول ان تركز و تقول بنفسها ,

ليش عم برجف؟ فش اشي عادي ضيوف متلهم متل غيرهم , هاي ليه هيك عم تطلع في , و ام سرور ااخ منك , تدرك انها في موضوع رقابة و تحس بشعر غير مريح

يحمر وجه داليا بشكل واضح , مع انعكاس اللون الفستان , اصبح وجه داليا وردي زاد جمالها

تتوجه نحو ام العريس

تقول بصوت يرجف: تفضلي ام علاء

بإبنسامة لا تخفيها : يسلمو ايديكي

ترد : شرفتونا

تقدم القهوة للكل و تجلس في مقابل اهل العريس بحياء و خجل و تقول بنفسها ..

مالي ليه هيك البي عم يرجف , هاي اختو , شكلها قوية من عيونها , امه هاي بينتها طيبة , ام سرور مش عارفة يا الله منك بس شو لازم احكي , الله يستر

ام علاء : شو يا داليا كيف الجامعة ؟

داليا بتلبك : منيحة كويسة الحمد لله

ام علاء : انتي اديه بدك لتتخرجي ؟

داليا (يعني هي ما بتعرف) : يعني سنتين او سنة ونص

ام علاء: اها كويس

بسمة : و كيف ماشية بالتخصص و المواد منيح

داليا : اه معدلي منيح و عم بمشي

ام سرور مقاطعة : ترى داليا عندها تفس بالطبخ

ام علاء : عنجد؟ والله كويس على هيك بدنا انذوق طبخك ليوم

داليا مبتسمة : اهلا وسهلا بس كلهم اكلة او تنتين مش الأشي اكتير

ام داليا: بس والله عندها نفس و بتتعلم بسرعة

تقول ام علاء لداليا ,معلش يا بنتي تسكري هداك الشباك معلش بس بردت

داليا : اه ولو

تتوجه داليا نحو الشباك , و تقوم ام علاء بالنظر إليها و هي تتحرك لإغلاق النافذةو تقوم بوكز ابنتها بأن تنظر

تعود داليا و تجلس , و تشرب القهوة , تدرك في لحظة ما ان كل ما تقوم به مراقب , و تشعر بعدم الراحة
يبقى الحوار قائما على الأسرة و التربية , و اهمية الإلتزام و الكفاح ..

تستأذن داليا للخروج ,

**

و تقول ام علاء: طيب يا أم حازم فرصة سعيدة اتعرفنا عليكي

ام حازم : شرفتو و اهلا وسهلا بأي وقت

ام سرور مبتسمة و تهز برأسها : بحاكيكي بكرة

تأتي سيارة فاخرة , تقف امام المنزل و تتوجه النساء نحوها , تلمح الام داليا , ابنتها داليا تنظر من طرف الشباك فتبتسم و تقول ان شاء الله خير