الحلقة الثالثة/الموسم الثاني

كتبتها براء

يدق القلب احيانا لاناس لا يعنون لنا شيئا ... يدق القلب احيانا للحظات نكون
فيها في حيرة من امرنا ... ياترى هل ما نشعر به مجرد نسج من خيالنا .. ام اننا
فعلا نحسه ..

تلك القوة الخفية التي تحركنا ... تغيرنا ... تحيرنا ... تبكينا
واحيانا تسعدنا ... تخلق ذلك التوازن الهائل في حياتنا......... هل ستقودنا
الان الى مصيرنا ...؟؟

الشمس الذهبية ترسل اشعتها تتسلل من نافذة غرفة داليا ... تداعب عيناها
الجميلتان حتى تستيقظ..

ديمة تصرخ بصوت مرتفع ...

تستيقظ داليا: ولك شو مالك ؟؟ يا فتاح يا عليم يا رزاء يا كريم

ديمة : شو مالك حبيبتي ؟؟ يعني انا حطيت الكتاب هون وين راح؟؟

داليا: شوفيه فوق المكتب او تحت ...

تقاطعها ديمة: الساعة 7:40 ما معي وقت قومي
فتشي معي
...
داليا : ليه متأخرة لصاحية ؟؟
..
تسكت داليا ثم تقول : اييييييييييش سبعة وكم؟؟
ياحبيبي راحت المحاضرة

***

داليا تجلس وحدها في سكوير التجارة تنتظر قدوم حسام، لديها الكثير من الكلام
والمشاكل ، تكفي مشكلة العريس ، داليا تأمل ان يساعدها حسام على حل المشكلة.
الساعة بعد الحادية عشرة وحسام لم يظهر:

***
داليا: يالله هي خلصت محاضرة الحداش وحضرتو بعدو ما شرَف، يالله هو عارف اديش انا
متدايقة ليه يتأخر؟ يا ترى وينو؟ مع مين واقف؟ لأ لا يكون هو التاني بدو يتخلى
عني

وبعد لحظات من التفكير دامت ثلاث ثواني
داليا: فكرة ... خليني ارن عليه اشوف ازا خطو مشغول ولا لاء ... او ازا في
اصوات بنات جنبيه او لاء...

ترفع الهاتف وتبحث عن اسمو : حلا ,,, حلا .. اها هيك يا حسام يسعدو اسم حلا الي
مسميتك فيه...
تتصل ... تووووت ......... تووووووووووت ......... توووووووووت .... الرقم
مشغول .. )- كنسلني ... ابصر مع مين قاعد...

مرة اخرى تتصل : توووووووووووت .... توووووووووووت .... الرقم مشغول..
وبعدين... وبعدين معه هاد ما بدو يرد ليه ؟

وتحاول اكثر من مرة من دون فائدة.. المحاولة الاخيرة

- شكرا لاستخدامكم شبكة فاست لنك .. الهاتف المتنقل المطلوب مغلق حاليا .. يرجى
اعادة الاتصال فيما بعد

تغلق الهاتف وتقول : افففففففف مين مفكرة حالها هاي قال شكرا لشركة نننننن اوف
وبيستجري يسكرو .... معناتها في شي ...

ترفع رأسها عن الهاتف و ترى ان نادين تقف امامها

نادين: هاي .. كيفك يا حلوة؟

داليا: تمام ، فاين وكل شي ماشي

نادين: شو مالك شكلك متدايقة؟؟ شكلو حبيب الئلب حسام ما رد عليكي؟

داليا: لا شو ما يرد علي ؟؟ حبيبي الله يوفؤو عندو هلا كم شغلة بدو يكفيهم
وبيرجع بيحكيني

..
نادين :طيب احكيلي حبيبتي .. كيف صرتي هلا انشاء الله احسن من مبارح؟ بس حكيت معك مبارح العصر حسيت انك متدايقة

داليا : انا منيحة......مبارح كان عنا ناس..خطابين

نادين: خطابين؟؟؟؟؟ عن جد؟؟؟؟ و ليش هالحكي بيدايقك؟

داليا: انا ما بحب هيك..امه و اخته و البسي يا داليا و ابتسمي يا داليا

وتبدأ التحقيقات ويبدأ الاستجواب

نادين : طيب..شو اسمو؟؟ أديش عمرو؟؟ حلو؟؟ حلو؟؟ معاه فلوس ولا لأ؟؟ اجا هو شافك ؟؟

شو كنتي لاب

تقاطعها داليا: ولك يخرب بيتك عشر كلمات بالثانية شوي شوي

تبدأ داليا بالحديث عن هذا العريس وتعطي التفاصيل لنادين ظانة ان نادين هي
الوحيدة الي تستمع...

نعيم يسترق السمع هو الاخر ويقول بعقلو: اقع اقع ... هلا

بينتي على حقيقتك يا بنت الذين .. جاييك يا حسام .. وهي تلفون على ابو الحس
توووووووووووووووووووت ... تووووووووووووووووت ...الهاتف مغلق

حسام في سيارته في طريقه الى
الجامعة ... يستمع الى اغنية في ناس تاخد وتنسى وناس تدي وتنسى

داليا تحاول ان تبدو طبيعية ولكن حسام لم يأتي الى الآن وهو لا يجيب على هاتفه
النقال... تلف نادين وجهها وتلمح نعيم

تستغل داليا الفرصة وترن على حسام ... الهاتف ما زال مغلق .... افكارها ذهبت بها الى البعيد"

وفجأة يرن الهاتف باغنية حسام الخاصة " بحبك وحشتيني .. بحبك وانت نور عيني .. دا وانتي
مطلعـــ ....

ترد داليا : حسام .. حسام وينك انت؟؟؟ ليه مسكر خطك؟؟ اصلا ليه
تسكرو لما رنيت عليك؟؟ ولا ما بدك اياني امسكك مع التانية ...؟؟ انا بعرف انك
بتلف وبتدور على

يقاطعها حسام: حبيبتي داليا شو مالك؟؟؟ هدي شوي ....اسمعيني

داليا : ما بدي اسمعك .. انت واحد خاين .. شو وينها الانسة الي معك؟؟ ولا راحت

حسام: داليا اهدي وفهميني .. كنت جاي على الجامعة

داليا: على الجامعة ولا رايح على شي كوفي شوب؟؟

حسام: الله يجيبك يا طولة الروح .. مالك انتي منجنة على هالصبح؟؟

داليا: يعني انت بتفكر انو انت من حقك تطلع وما تخبرني ؟؟ لا وتسكر الخط ؟؟ كيف
بدي اسدأك انا هلا؟؟

حسام: حبيبتي كنت بدي اعملك مفاجأة

داليا : مفاجأة ولا مفاجعة ؟؟ انا ما بحب المفاجأت..مفاجاة شو؟ وتاني مرة

حسام يقاطعها : لااااا اسمعي انتي مو على بعضك اليوم بس تهدي بتبئي بتحكي معاي
يالله سلاـــ

داليا: خلص خلص حبيبي انا اسفة بعرف اني انا غلطانة بس يعني كنت بدي تعرف انو
انا ما بحب تسكر خطك لانو يمكن يكون عندك خط تاني وتكون انت على علاقـــ

حسام: باي داليا وبس تعقلي رنيلي
ويغلق الهاتف

داليا عادت و اتصلت مرة اخرى و مرة ثانية و ثالثة لكنه لم يجب

و فجأة قالت لها نادين : شو بدك بكل هالمشاكل يا داليا .. بدك نصيحتي .. الحب مو كل شي
والله ... اتركيه واخطبي واكسبيها ... الشاب حسب ما حكيتيلي وضعو كتير منيح ...
وحسام وما تزعلي بعدو ولد بأول العشرين

داليا : اخ يا نادين اخ ... لا تحكي هيك ... هادا حب سنين وساعات ... بس انا مو
عارفة شو مالي عم بعصب عليه وزي الي بدي اخلقلو شي سبب اعمل منو مشكلة ... يا
خوفي اني لاول مرة بفكر بنفس طريقتك ... يعني لو فكرتي فيها انا عم بخترع مشكلة
ورا مشكلة وعم بخانقو على كل كلمة ... افففف

نادين:هادا انتي بدأتي تعقلي وتفكري صح .. لازم اروح ...تشاو سويتي... وروءي
اعصابك ...
داليا: باي حبيبتي

داليا الان تشعر ان كل المشاكل ستقع مرة واحدة على راسها .. لذلك قررت العودة
الى منزلها ومحاولة تخطي هذا اليوم .. وهذا يعني التخلف عن المحاضرات

...

الهاتف يرن : بحبك وحشتنيــــــــــ

داليا: حسام ؟؟ بشوف رجعت رنيت علي؟؟

حسام: وكم داليا انا عندي؟؟ وينك انتي؟

داليا : انا بطريقي على البيت افت ت ت اليوم مبين من اولو ... بدي اروح خلص مش
طايقة الجامعة

حسام: طيب حبيبتي شو رايك اعزمك على كاسة كوكتيل تروئي اعصابك وتحكيلي شو مالك؟

داليا : لأ لأ حبيبي معلش انا اليوم معصبة

حسام : على راحتك انا بس كنت بد

داليا: طيب طيب امري لألله خلص هيني بستناك عند الرئيسي اطلع يالله ما اطول علي
....
يصل حسام ويتوجهون الى المطعم ، داليا تبدأ الحديث من دون سابق انذار

داليا: حسام ..شو هوة الحب؟

حسام: - الحب هو انتي يا روح حسام

داليا: نفسي اعرف أديش انت بتحبني ؟؟

حسام: بحبك قد الدنيا ... قد عدد حبات المطر ... وأوراق الشجر وصوت

تقاطعه داليا و تسأل

-حسام ايش بيصير لو واحد فينا شاف حياتو مع حدا تاني؟
-حسام: يعني ايش قصدك؟

- داليا: يعني لو انا خطبت انسان غيرك لا سمح الله او انت انجنيت وخطبت انسانة تانية؟؟

- حسام: حبيبتي داليا .... الدنيا كلها نصيب ... نصيبنا نكون لبعض لو كل العالم وقف
ضدنا حنكون لبعض ... اما لو نصيبنا مو لبعض فلو كل العالم وقفت معنا ما بنكون
لبعض

..
- داليا: هيك أولتك؟؟؟

بدأت داليا تحس بألم في صدرها ... حسام لا يهتم اذا انا تزوجت غيرو وتنيلت على
عيني ... ما بيحبني ... بدأت تتذكر ما قرأته في المدونات عن الشباب ... براء
وملائط وميوش والتعليقات على الموضوع ... الشاب يتهرب ولا يرغب في الحديث عن
المستقبل وبالنسبة له فإن الموضوع موضوع نصيب ليس الا ........

وفي هذه الاثناء نعيم يقف مع شلة الشباب الطيبة ويتحركش بالجميع ، يمر صديقة
فيصل
نعيم : يسعدك ... مافي صباحك سكر ؟
فيصل: يسعدلي هالصباح .. حبيبي... يا وردة ... شو عاملين الشباب الطيبة ؟
نعيم : بفتش على حد اتخانق معاه ... اليوم رايق للخناقات ...شفت حسام؟
فيصل : سيبك من اخناقاتك يا زلمة .اه حسام شفته كأنه كانت معه داليا و دخلوا على المطعم اللي قدام الجامعة
نعيم : و الله؟ طيب..من تحت الشباك حطلعو .. حطلعو من تحت
الشباك ...
فيصل : يالله سلام شباب
نعيم : متشكر متشكر اخوي
فيصل : على راسي عمي .. سلام

يتوجه نعيم الى المطعم

حسام لداليا: ييييييييييه هادا التاني شو جابو هون هلا؟؟؟
يقترب نعيم : صباحو
حسام : حبيبي
نعيم : شو ما في كاسة الي على حساب ابو الحس؟؟
حسام : على راسي
نعيم : صباحو داليا ... شو هالكشرة؟
داليا : من شوفتك
نعيم لحسام : خفيفة دم صاحبتك ... زيك عمي
حسام : اختصر نعيم شو بدك؟؟
نعيم : بصبح عليكو شو غلط؟ حرام ؟ عيب ؟
حسام : لا سيدي ... خلص صبحت، وبعدو ؟؟
نعيم : ما اجلفك يا زلمة ... بخاطركو ... حبيبي ابو سمرة
نعيم في محاولة لخلق خناق بين حسام وداليا
نعيم: اه الصح يا خوي ... وصلني حكي انو داليا جاييها عريس .. اما شو ؟؟؟ شقفة
...!!!
داليا ترتبك : شو ؟؟؟؟ هههههههههه مين الي حكالك؟؟؟
نعيم : العصفورة يا عصفورة

حسام : شو؟؟انا ما بصدق انت دايما بتحاول تخرب بيناتنا

داليا صامتة

حسام: ؟ صحيح هالحكي يا داليا؟؟

داليا لا تعلم ماذاتجيب كانت تريد اخبار حسام بنفسها و ليس بهذه الطريقة

حسام: داليا ردي

نعيم: اه اه سوري عمي شكلي دخلت غلط على الخط

داليا : انا كنت بدي اقولك هلأ يا حسام ..افت منك يا نعيم..انت شو دخلك
نعيم : سمعتك سمعتك بس بسيطة.صاحبي و بوعيه.. ... لو اهلك ما كان سموك العنود .. هلا هلا
صدقيني كنت سميتـــــ
ويختفي .
حسام : عريس اه؟؟ شقفة اه ؟؟؟... فعلا كان
عندي احساس انو انتي اليوم وضعك مو طبيعي .... اسئلتك تصرفاتك

داليا : انا تعبت منك ومن حركاتك ومن نعيم هادا الزفت تاعك ... لا بدي اشوفو
ولا اشوفك ... سلام
حسام: بالناقص ست داليا..اللي بيننا انتهى

داليا : هيك يعني من كلمتين صدقتو ومابدك تسمعني ؟؟؟

حسام: العيار الي ما بيصيب بدوش يا داليا

داليا : لا؟؟ بهالبساطة..؟؟ بتعرف؟؟ احسن ... انا اصلا كنت حاسة بشي غريب تجاه
هالشاب .. على الأليل هو اجا وطلبني وانت حضرتك بعدك ما شرفتنا على البيت ..
هيك يعني ؟؟ بهالبساطة هاي بتقولي انتهى كل شي؟؟
حسام : اه

داليا: انا من الصبح بحاول احكي معك و اقولك و انت تلفونك مسكر..انت عارف اهلي و هاي مش اول مرة بيجي ناس
مش معناتوا اني قبلت..بدال ما تلاقيلي حل بتقولي هيك؟

حسام:شو الحل؟ اجيب اهلي و اجي؟ انتي عارفة اني لسة بدرس كان لازم ما تطلعي او تقابلبيهم بس مبين عجبك الموضوع

داليا: بقولك فاجاوني بالموضوع و مش معقول كمان اصغر اهلي و ما اطلع

حسام: الك تلتين الخاطر هيك الظاهر

داليا: حسام..اذا بتضل تحكي هيك انا هلا بروح.حاول تفهم

حسام: و بتقوليلي ابوكي مريض و ما بقدر اشوفك و انتي بعالم تاني

داليا: انا مش قادرة اكمل بهالطريقة..بكفيني مبارح و اللي صار لا تزيد علي..ياللا باي
**
تخرج داليا من المطعم وترى نعيم يجلس على باب المطعم ... تنظر له نظرة حاقدة
وتتابع مسيرها
نعيم : الله معك ... باي يا ئمر

حسام يخرج الهاتف ويتحدث مع فتاه : اه نادين كيفك ؟؟؟ اسمعي داليا حكتلي عن
هالشاب اللي اجو اهله مبارح ... شو اعمل؟؟ شو حكتلك هي ؟؟

نادين: والله ما بعرف شو احكيلك يا حسام ... خلص هي هيك كانت مترددة من الصبح وانا ما بنكر اني نصحتها وكلنا نصحناها ... الدنيا نصيب يا حسام والله الدنيا
نصيـــــ ....... ويغلق الخط في وجهها
يخرج حسام من المطعم و يرى نعيم واقفا

حسام: داليا راحت يا نعيم
نعيم : حبيبي ابو الحس انت كل البنات بدهم منك بس كلمـــ.
حسام: لا داليا غير ... انا عنجد حبيتها ... بس كرامتي ما بتسمحلي اترجاها اتضل
معي .. ازا هي سعيدة خلص .... الله يهنيها ...
وفجأة

يتبع
.........