الحلقة الثامنة \ الموسم الثاني

كتبتها ملائط

المشهد الاول

في فيلا ام علاء. جلست ام علاء و على وجهها ارتسمت علامات الغضب

ام علاء: شو قصدك قابلت ام ولادك؟ مين هاي ووين شفتها؟ و بنت الناس اللي رحت اشوفها؟

عماد: طيب شوي شوي ..الزواج قسمة و نصيب خلص قوليلهم هيك

ام علاء: يعني رحت عالجامعة؟ مع اني قلت لك بلاش..و شو اللي ما عجبك بالبنت؟

عماد: يا ماما يا حبيبتي ما في اشي ضد البنت ولا حتى تطلعت عليها

..

ثم تغيرت نبرة صوته و اصبحت اكثر دفئا عندما تذكر ميراندا و ارتسمت على شفتية ابتسامة صغيرة

ام علاء: مالك؟ عماد.. شو في؟؟ مالك؟؟؟

عماد و قد اعاده صوت والدته الى ارض الواقع: نعم؟ ولا اشي

ام علاء: ما قلت لي انت شفت بنت ام حازم؟

علاء: شفتها... شفتها حلوة بس انا ما بدي اياها انا اليوم عرفت انه مستحيل اتجوز بهالطريقة..حرام يا ماما بظلم البنت و بظلم حالي

ام علاء: شو اللي غير رأيك؟ ما انت جيت من الرياض و قلت لي دور لي على عروس

عماد:انا رحت اشوف داليا بس لما قابلتها كان معها صاحبتها الاجنبية..مش عارف شو صار لي .داليا ما حكيت معها و اتطمني هية ما يتعرفني اصلا

ام علاء: اجنبية؟ هلا هلا..بعدين منحكي بموضوعها... هلا شو يعني؟ شو اقول للجماعة؟ ما في امل تغير رأيك؟

عماد: لا طبعا انا خلص اليوم عرفت شو بدي عرفت طريقي.,احكي معهم اعتذري لهم

ام علاء: شو بدي اقولهم؟

عماد:قوليلهم طلبوه بالشغل و سافر..اكل بمطعم و صار عندو تسمم و اسهال اي اشي ..خلص بطلتي تعرفي تلاقي اعذار؟

ام علاء: اسهال؟ ما احلاني و انا قايلة هيك... خلص هلا بحكي مع ام سرور

******

.. رفعت ام علاء سماعة الهاتف و مئات الافكارتتقافز الى رأسها ..سمعت صوت ام سرور على الطرف الاخر

ام سرور: الووو الووو مين الوووو

ام علاء: مرحبا ام سرور كيفك..ام علاء معك

ام سرور: يا ميت هلا و مرحبا هلا بالغالية .. ها موعدنا لسة بوكرا ولا بدك تقدمية؟

ام علاء: لا والله يا ام سرور..مش عارفة شو اقولك..ما رح نقدر نروح

ام سرور :كيف؟ شو بتقولي؟ شو صار؟

ام علاء : عماد طلبوه عالشغل بكير و مضطر يسافر بوكرا

ام سرور: و انا شو اقول للجماعة؟

ام علاء : قولي الحقيقة

.

ام سرور: و هاي الحقيقة يا ام علاء؟

ام علاء و قد اضطرب صوتها و تلعثمت: اه طعا ..والله يا ام سرور انا عارفة انه الي بطلبة منك صعب بس شو اسوي الناس انتي
بتعرفيهم اكتر و منك بتكون اسهل..يعني الاحراج اقل الي و الهم

ام سرور: طيب..انا اللي بطلع بسواد الوجه. معلش ..عشانك يا ام علاء

ام علاء و فد احست بأرتياح شديد: يسلم شانك و يخليكي ..انا ببقى ازروك هاليومين

ام سرور: اهلا و سهلا بيتك الزغير

ام علاء: شكرا..مع السلامة

****

المشهد الثاني

:

جلست داليا تقرأ بعض المواضيع في مدونات الاصدقاء..مجدي كم هو رائع يكتب دائما بأحساس و شفافية لم تعهدها

بأحد

موضوع اليوم عن الحب على الانترنت و هل من المكن ان تحب احداهن من خلال محادثة و مدونة دون ان تلتقيها وجدت ان بعض التعليقات كان تافها ةبعضها ساخرا و بعضها معارضا واخر مؤيدا

فدلت بدلوها و كتبت

الاخ مجدي

اعجبني موضوعك جدا فهو يعالج ظاهرة انتشرت حاليا بكثرة و يناقش امرا مهما و هو هل من الممكن ان نحب احدا من الداخل و ان نحكم على شخص من خلال كلام كتبه ؟ الكثيرين يجيدون الكذب و الانترنت مجال واسع لاعطاء الاخرين فكرة قد لا تكون صحيحة عن الطرف الاخر و لكن اعتقد ان الامر في النهاية يجب ان يتحدد من خلال لقاء شخصي و ان لا نبني قصورا في الهواء فالانترنت مثل اي لقاء اجتماعي قد تكون سببا في لقاء اثنين بعيدين جغرافيا عن بعضهما و قد لا يلتقيا ابدا في الحياة اليومية لكن اللقاء شخصيا ان ترى امامك انسانا عرفته لشهور و ربما سنوات قد يكون احيانا مخيبا للامال و احيانا اخرى قد يجمع قلبين في رباط مقدس

انتقلت فيما بعد الى مدونة رنا لترى انها قد اعلنت عن اجتماع للمدونين

..

اعجبتها الفكرة كثيرا و ضحكت في قرارة نفسها على المصادفة الغريبة بين ما كتبت لمجدي و بين موضوع رنا

علقّت: فكرة الاجتماع حلوة كتير و ان شاء الله رح اكون بين المدونين في الاجتماع

كثيرا ما تمنت ان تلتقي بكل المدونين و خاصة اولئك الذين تربطها بهم صلة يومية رنا و مجدي..نسمة

تسآلت في قرارة نفسها: ابصر كيف همة لزيزين متل ما بكونوا عالمدونات ولا لأ..يا ترى مجدي رومانسي و حالم ولا بس هيك بالكتابة؟ و نسمة دمها خفيف و لا زنخة؟ اما رنا ف انا شفت صورتها و حكيت معها مرة مش بطالة بس لسة لازم اشوفها....

خليني احكي لنادين بلكي بتيجي معي بستحي اروح لحالي

***

المشهد الثالث

عاد حسام الى منزله و لم يتوقف عن التفكير طوال الطريق

..

ان شاء الله ابوي يشغل ميراندا وما يفشلني..حرام البنت يعني قربت تفلس..بس ضروري كل هالكتب ؟ هدول الاجانب بموتوا بالقراية مش زينا... اللي عمري ما شفتك يا داليا حاملة كتاب غير كتب الجامعة..بدي اقول لبابا يعطيها راتب كويس البلد غالية والبنت وحدانية ما الها حدا..مسكينة

دخل حسام ليجد والدته وقد جلست بأهتمام امام الكومبيوتر و دون ان تشعر به التفت ذراعية حولها

و قال: يا عيني عالحلوين اللي اونلاين قاعدين بالدنيا مش سألين

هيام بضحكة خفيفة: اهلين حبيبي..بحب اشوفك بموود حلو..تتغدى؟

حسام: اول قوليلي شو بتعملي؟ تشات؟

هيام: بشوف وين احسن محلات للشوبينغ بروما

حسام: خير..بدك تكتبي لبابا ليستة يجيبها معه؟

هيام: هالمرة انت بتكتبلي الليستة..انا اللي مسافرة مع بابا

حسام بقلق:ليش ايمتى مسافر بابا؟

هيام: الجمعة مسافرين.ليش تغير موودك؟انت كمان بدك تيجي؟

حسام: لأ..بس طلبت منه طلب و حابب انه يوافق عليه قبل ما يسافر

هيام: انا ما بنفع؟؟

حسام و قد امسك بوجه والدته بخفة : انتي يا قمر بتنفعي بس مش لهالطلب

هيام: يعني ما بدك تقولي..طيب انابعرف من بابا

حسام:مش انه سر يا ماما يا حبيبتي انا طلبت منه يشغل زميلة الي بالجامعة عندو..بس

هيام: بس.؟؟؟ بس؟ لتكون داليا؟

حسام: داليا؟ لا.. بس انتي من وين بتعرفي داليا؟ انا عمري ما حكيت عنها

هنا ادركت هيام ان لسانها قد زل بكلام قد يفضح ما فعلته بالسابق حين حذفت رسائل داليا من موبايل حسام

هيام: لأ كيف..قلت مرة الك زميلة اسمها داليا..ياللا تعال اتغدى عملت لك اليوم اكلتك المفضلة

حسام: اكلتي المفضلة؟ شاورما ريم؟

هيام: هيههي..هاي بتروح بتاكلها مع صحابك عند هيام الاكل..الصحي و بس ياللا عالمطبخ

*****